Nga Erion Kristo
Letër e hapur zonjës Arta Marku PPP (Prokurore e Përgjithshme e Përkohshme)!
Zonjë! Ju po minoni besimin e qytetarëve te ligji dhe shteti. Ju me mungesën tuaj të reagimit, po mbështesni korrupsionin. Kemi kaq kohë që akuzojmë se tenderat te Astir janë të dyshimtë. Sot u vërtetua katërcipërisht se tenderi është i trukuar! Ku janë arrestimet? Ku janë hetimet? Ku është institucioni juaj? Pse ju vetëm përndiqni qytetarët e thjeshtë që protestojnë?
Në fakt kjo letër u drejtohet njerëzve. Shikojeni dhe kuptojeni forcën tuaj. Ju mund ta ndalni korrupsionin, edhe kur keni kundër gjithë shtetin. Shijojeni këtë fitore të bukur të qytetarisë dhe mos u ndalni. Filluan përpëlitjet dhe spazmat e rrokullisjes. Tenderi i Astirit u anullua.
