Hermes Nikaj, ose i njohur gjerësisht si “Zogu i Tiranës”, ka dhënë dëshminë e tij në polici në lidhje me akuzat për prostitucion.
Burime nga policia zbulojnë se Nikaj gjente vajzat po ashtu edhe klientët dhe vendoste pagesën. Por, shpesh herë ai edhe vetëofrohej për seks, kundrejt pagesës. Pagesat varionin deri në 700 euro. Klientët ishin të huaj dhe shqiptarë.
“Nuk kam ushtruar prostitucion dhe as kam shfrytëzuar njeri për prostitucion. Gjithçka ka ndodhur kundrejt dëshirës, jo kundrejt lekëve. Duke qenë se jam i njohur, kisha më shumë kontakte dhe ua prezantoja mikeshave të mia dhe i ndihmoja të shkonin në hotel”, deklaroi ai në polici.
Nikaj u arrestua bashkë me një 47-vjeçar nga Kurbini në një hotel në autostradën Tiranë-Durrës. Përgjimet e policisë pas një viti hetimi kanë zbuluar rrjetin e prostitucionit.
Nikaj siguronte prostituta për klientë të ndryshëm me një çmim nga 10 mijë deri në 20 mijë lekë për dy orë. Baza e grupit ishte një qendër estetike, e drejtuar nga një 43-vjeçare. Ajo siguronte femrat për klientët.
Vajzat e reja punësoheshin si kursante në qendrën estetike dhe më pas nisnin punë si prostituta. Për disa prej tyre, grupi merrte deri në 700 euro nata. Në gjendje të lirë janë proceduar edhe dy vajza, 20 dhe 32 vjeç.
Po kështu mësohet se në pyetje janë marrë dhe femrat që ishin pjesë e këtij rrjeti të cilat kanë pranuar se shfrytëzoheshin për prostitucion dhe kanë dhënë detaje se si funksiononte skema.
