Numri i pulave të ngordhura është më i madh nga sa raporton qeveria. Sipas zyrës për mbrojtjen e konsumatorit, një organizëm që financohet nga bashkimi europian dëmi llogaritet në 800 mijë krerë të ngordhura nga të cilët 500 mijë janë ende të pagroposura.
Kreu i grupeve të kontrollit Hasan Stafa nuk e përjashton mundësinë që pula të infektuara mund të jenë tregtuar në tregjet informale, ndërsa thotë se priten disa analiza nga Shkodra për të kuptuar nëse ka ose jo vatra të tjera.
Për ekspertët nuk ka vend për panik për aq kohë sa produktet dhe nënproduktet e pulës gatuhen në temperaturën mbi 75 gradë. Që në datën 4 mars 2022 Zyra për Mbrojtjen e Konsumatorit thotë se ka dhënë alarmin për rrezikun e përhapjes së gripit të pulave në Shqipëri, pasi autoritetet Italiane lajmëruan zbulimin e një vatre të madhe në zonën e Pulias.
Për më tepër sipas ZMK lajmi i sëmundjes masive të pulave është bërë prezent nga dy kompanitë e prodhimit të vezëve në Durrës ndërsa qeveria sipas Stafës u përpoq të fshihej për 1 javë pas sëmundjes së laringotrakeit.
