Zjarri në Sazan, paralajmëron Ministria e Mbrojtjes: Në zonë ka municione të pashpërthyera. Ishulli i Sazanit prej disa orësh ndodhet nën pushtetin e zjarrit.
Ministria e Mbrojtjes njofton se zona si paraqet rrezik, pasi i një ish-repart ushtarak në vendin ku ka shpërthyer zjarri ka municione të pashpërthyera.
Ndërkohë që në terren ndodhet ushtria dhe punonjësit e ADZM-së, të cilët po punojnë për fikjen e zjarreve.Për shkak të terrenit të vështirë, puna për shuarjen e zjarreve është gati e pamundur. Forcat në terren po përdorin mjete rrethanore. Në lidhje me zjarrin në Sazan pati dhe një reagim nga ministri i i Mbrojtjes, Niko Peleshi, i cili u shpreh se në terren ndodhen 61 efektivë të Forcave Detare dhe Tokësore, ndërsa punën e zjarrfikësve po e vështirëson terreni. Kjo është hera e dytë që brenda pak ditësh që ishulli i Sazanit përfshihet nga flakët. Vetëm dy ditë më parë, disa shkurre e ferra u dogjën ndërsa u desh ndërhyrja e forcave të ushtrisë.
