Kryetarja e LSI-së, Monika Kryemadhi ka reaguar sërish për zjarrin në ishullin e Sazanit, i cili prej 3 ditësh po shkrumbon thuajse të gjithë ishullin. Teksa sulmon kryeministrin Edi Rama, Kryemadhi denoncon mungesën e helikopterëve në vend. Sipas kryetares së LSI-së, Shqipëria ka në pronësi 4 helikopterë “Cougar” të cilat s’i përdor dot sepse janë me probleme. Ose janë jashtë vendit për servis ose kanë rrjedhje vaji dhe probleme të ngjashme që e bën të pamundur përdorimin e tyre për ndërhyrjen nga ajri në ishullin e Sazanit.
“Mqs kryeministri Rama ka më shumë qef llafet se faktet e papërgjegjshmërisë së tij, ja disa të vërteta, që i ftoj t’i kundërshtojë: Shqipëria ka në pronësi 4 helikopterë “Cougar”.
Aktualisht sot:
2 janë në Poloni, në pritje për tu servisuar.
I treti ka dy vjet në Itali, pasi ka bërë ulje të detyrueshme në kthim nga Franca.
Ndërsa i katërti është në Farkë, sapo është kthyer nga servisimi në Zvicër, por nuk fluturon dot se ka rrjedhje vaji.
Sot në Farkë fluturojnë vetëm dy helikopterë “As” të Policisë së Shtetit, me të cilët bëjnë stërvitje studentët e rinj. Edhe këta, punojnë vetëm pak orë dhe ngelen në tako.
Ah po, është edhe helikopteri i shëndetësisë EC-135.
Në kohën kur Shqipëria gjendet e papërgatitur ndaj çdo krize që vjen, buxheti i shtetit vazhdon të shpërdorohet me urdhër të Ramës për pronarët e inceneratorëve dhe PPP korruptive, që janë në fakt krenaria më e madhe dhe veprat e vetme të kryeministrit.”-shkruan Kryemadhi.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
