Një zjarr i madh shpërtheu ditën e sotme në një ndërtesë në bulevardin des Capucines, pranë sheshit Place de L’Opera në qendër të Parisit dhe retë e tymi shihen teksa ngrihen në ajër.
Sipas Reuters, zjarri ka rënë rreth orës 10:30 në një zyrë në katin e tretë të një pallati shtatëkatësh.
Janë aktivizuar pesë brigada në mënyrë që zjarri të mos përhapet në katet e sipërme dhe aktualisht në vendngjarje ndodhen 120 zjarrfikës. Procedura duhet të zgjasë gjatë gjithë ditës.
Zjarrfikësit nuk kanë mundur të evakuojnë askënd pasi mesa duket banorët kanë dalë vetë ose shtëpitë kanë qenë të pabanuara. Është vendosur një perimetër sigurie. Zjarrfikësit e Parisit dhe prefektura e policisë kërkojnë të shmangin hyrjen në zonë.
