Një banesë e pabanuar është përfshirë nga flakët paraditen e sotme në Tiranë. Burime policore bëjnë me dije se ngjarja ka ndodhur rreth orës 12:50, në rrugën “Xhon Belushi” në katin e pestë të një pallati.
Në vendngjarje ndodhen forcat zjarrfikëse të cilat po punojnë për fikjen e zjarrit, ndërsa banorët e këtij pallati janë alarmuar. Nuk dihen ende shkaqet e këtij incidenti, ku raportohet se nuk ka të dëmtuar por vetëm dëme materiale.
Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të rënies së zjarrit.
