Nga Arben LLALLA
Gjatë takimit të kryeministrit të Greqisë Mitsotakis me kryeministrin Edi Rama u diskua edhe zgjerimi i varrezave të ushtarëve grekë në qytetin e Përmetit. Sipas medieve dhe portaleve greke, qeveria shqiptare ka dhënë pëlqimin që varrezat e ushtarëve grekë të vrarë gjatë luftës italo-greke 1940-41 të zgjerohet nga rreth 750 varre edhe me mbi 1.600 varre të tjera. Kjo varrezë do shkojë me rreth 4.000 varre greke të cilat shumica janë bosh.
Kryetari shoqatës së të Afërmëve të Heronjve grekë të luftës 1940-1941, Jorgos Surlas pritet hapja edhe të 1.600 varreve të ushtarëve grekë brenda në qytetin e Përmetit. Ku pretendohet se eshtrat e këtyre ushtarëve gjendet pranë fushës së futbollit të Stadiumit të qytetit dhe te Pallatit i Sportit. Grekët pretendonin që në fushën e stadiumit të qytetit të Përmetit gjenden eshtrat e ushtarëve grekë, por dokumentet arkivore vërtetuan se aty diku gjendeshin eshtrat e ushtarëve italianë të cilat janë tërhequr shumë vite më parë nga Italia dhe nderohen me krenari në tokën italiane.
Greqia me anë të Kishës së Autoqefale Ortodokse të Shqipërisë e cila drejtohet nga ish-oficeri i lartë Anastas Janullatosi ka arritur që Manastiret dhe kishat shqiptare ti kthejë në varreza greke si pronë të Greqisë.
Eksperti i Ministrisë së Mbrojtjes Kombëtare greke, admirali Dhimitrios Milas deklaroi se procedura me palën shqiptare për zgjerimin e varrezave ka përfunduar me sukses dhe varret e ushtarëve do fillojnë punimet për gjetjen e eshtrave të 1.600 ushtarëve në qytetin e Përmetit. Më tej u tha se duhet të festojmë me krenari 80 vjetorin e kësaj lufte për të nderuar heronjtë tanë. Aktivitetet do mund të mbahen në Shqipëri në Tetor 2020 ku pritet të vijnë mijëra grekë për të përkujtuar luftën italo-greke të 1940.
Sipas informacioneve greke, Ministria e Mbrojtjes e Shqipërisë ka blerë toka nga fshatarët e Këlcyrës – fshati Kosinë për të ndërtuar varrezën e zgjeruar për ushtarët grekë. Pretendohet që të hapen varre të reja deri në 4.000. Ndërmjetës për blerje e kësaj toke rreth 4.000 metra katrorë ka qenë një biznesmen i pakicës greke i cili ka biznesin e tij në Përmet.
Ditë më parë në Këshillin e Bashkisë së Përmetit është diskutuar që eshtrat e gjetur të cilat nuk janë vërtetuar, Greqia ka kërkuar që të rivarrosen në varrezat e ushtrisë greke. Po bëhen tentativa që varreza e vjetra që njihen si “Varreza e Evgjitërve” të cilat janë jashtë përdorimit që në vitet 1950 të cilësohen si varrezë e ushtarëve grekë.
Kryetari i shoqatës të të Afërmëve të Heronjve 1940-41, nderoi me mirënjohje Konsullin e Përgjithshëm Llambros Kakisis për kontributin e tij të dhënë në jugun e Shqipërisë për ruajtjen e etnitetit grekë si dhe zgjerimin e varrezës së ushtarëve grekë në Këlcyrë-Kosinë. Të pranishëm në takim ishin përfaqësues të Ministrisë së Mbrojtjes së Greqisë, admirali Dhimitris Milas, oficerët e lartë Joanis Patas, Spiridon Skurcidhis, Jagumis Dhimitris. Ndërsa nga shoqata e Heronjve 1940-41, ishin kryetari Jorgos Surlas, Jorgos Nulas, Janis Korodhimos, Gjeorgjia Gula dhe Ana Cimu.
