Pas takimit me drejtuesit politikë të PS në qarqe, kryeministri Edi Rama foli për mediat. Sa i përket zgjedhjeve lokale ai tha se i kanë gati patronazhistët.
“Ne gati kemi patronazhistët dhe kjo është më e rëndësishme. Rëndësi ka që kemi konsultim me partinë nuk diskutohet se kemi parti jo çeta që mblidhen e shpërndahen sipas thirrjeve me komunitetin përmes sondazheve që i kemi bërë praktikë të konsoliduar, edhe me opinionin e kryesisë”, deklaroi Rama.
Dy vite më parë u zbulua skandali me patronazhistët, rrjedhja masive të të dhënave dhe kontrollin e qytetarëve për të influencuar votimin e tyre. Megjithatë “drejtësia e re” mbylli sytë përballë këtij skandali dhe e pushoi çështjen.
