Komisionit Qendror i Zgjedhjeve ka certifikuar ditën e sotme zgjedhje e pjesshme vendore të 6 marsit, duke i dhënë zyrtarisht mandatin kandidatëve fitues.
Kreu i KQZ i ka dorëzuar mandatin gjashtë kandidatëve të cilët do të qëndrojnë në krye të bashkisë ku janë përzgjedhur për një një vit, deri në mbajtjen e zgjedhjeve vitin që vjen. Ilirjan Celibashi dekretoi:
Vorë- Blerim Shera PS (8,431 vota)
Rrogozhinë- Edison Memolla PS (5,401 vota)
Lushnje- Eriselda Sefa PS (21,477 vota)
Dibër- Rrahim Spahiu PS (13,995 vota)
Durrës- Emiriana Sako PS (38,991 vota)
Shkodër- Bardh Spahia, koalicioni ‘Shtëpia e Lirisë (19948 vota).
Kujtojmë se në këto zgjedhje PD ka dalë me rezultat tronditës ku u rendit si forcë e tretë politike, për herë të parë në këto 30 vite pluralizëm, veçse në Rrogozhinë ku doli e dyta pas PS.
Nisur nga ky rezultat, janë shtuar zërat kritikë që kërkojnë dorëheqjen e Bashës nga posti i kreut të PD, dhe ditët në vijim pritet të jenë mjaft intensive për partinë më të madhe opozitare në vend.
