Fitorja eventuale e Donald Trumpit në zgjedhjet presidenciale të Shteteve të Bashkuara konsiderohet si njërin ga 10 rreziqet me të cilat ballafaqohet bota, shkruan forumi brianik Economist Intelligence Unit (EIU).
Ky grup në raportin më të ri të publikuar sot, thekson se kandidati favorit republikan, do ta shkatërronte ekonominë globale dhe do t’i shtonte rreziqet politike dhe të sigurisë në Shtetet e Bashkuara.
Trump vlerësohet rrezik më i madh se largimi i Britanisë nga Bashkimi Evropian, ose përleshjet ushtarake në Detin Jugor Kinez.
Grupi Economist Intelligence Unit përdor renditjen nga 1 deri në 25, dhe Trumpit i është dhënë vendi i 12, që është rrezik i njejtë si “rritja e kërcënimit të terrorizmit xhihadist në destabilizimin e ekonomisë globale”.
Në këtë raport, theksohet izolimi i Kinës nga ana e Trumpit, armiqësia ndaj tregtisë së lirë dhe “qëndrimi i tij i krahut të djathtë për Lindjen e Mesme dhe terrorizmin xhihadist”.
Ndërhyrjet e Rusisë në Ukrainë dhe Siri, që i paraprijnë “luftës së re të ftohtë”, janë në mesin e zhvillimeve që shihen si më të rrezikshmet për botën.
