Ministri i Turizmit Blendi Klosi ka vizituar qytetin e Vlorës për të parë më nga afër masat e marra për sezonin turistik.
Ai është shprehur se ky sezon turistik do të zgjatet deri në 15 nëntor, si një mënyrë që bizneset të kenë mundësi të rikuperojnë të ardhurat që humbën nga ditët e karantinës në muajt prill dhe maj.
Gjithashtu Klosi është shprehur se do të ketë gjoba për bizneset që shkelin rregullat, ndërsa nuk përjashtohet edhe heqja e licensës për këto biznese.
Ministri ka shpjeguar edhe mënyrën se si mund të aplikohet në e-albania, me aplikimet që nisin nga 1 qershori deri në 15 qershor.
“Hotelet do të aplikojnë për zonën që kanë para hotelit të tyre. Për sipërfaqe të tjera ata të vijës së dytë. Duke plotësuar 80% të plazheve për tja lënë 20 % publikut. Zakonisht plazhet pranë zonave të banuara do të jenë publike. Por dhe për ato plazhe të caktuara si private kur nuk ka kërkesa do t’i kalojnë publikut. Për mos respektim të protokollit të shëndetësisë do të ketë gjoba shumë të forta deri në sekuestrimë të pasurisë shezlloneve dhe heqie të liçencës.
Në e albania aplikimet nisin nga 1 qershori deri në 15 qershor, në mënyrë që më 1 korrik gjithçka të jetë gati. Aplikimi në e albania është shumë i thjeshtë, aplikohet dhe nga telefoni. Vendos numrin e NIPTIT, do të dëshmojë që posedon një hotel, vetdeklarimin e kushteve të higjenës. Pra numri i banjove, dusheve. Keto janë 3 dokumenta. Pastaj do të zgjedhë numrin e parcelës sipas kodit në hartën dixhitale, për të cilën dëshironë të aplikojë si dhe një foto. Për dy, 3 ditë do të vlerësohet nga komisioni me përfaqësi nga Ministria e Turizmit dhe Shëndetësisë maksimumi 5 ditë. Pastaj do të paguaj faturën e bashkisë dhe do të lidhë kontratën me bashkinë, bayëatchin, etj. Për të zëvendësuar kohën e humbur, ditët e marsit, prillit, majit me kërkesë dhe të operatorëve turistikë do të shtyjmë sezonin deri në 15 nëntor në mënyrë që dhe ju të keni mundësi të paguani faturat dhe taksat”, shprehet ministri.
