Sot është shënuar dita e 17-të e luftës Rusi-Ukrainë, me shpërthime të fuqishme në Kiev dhe disa qytete të tjera. Gjatë një fjalimi, presidenti i Ukrainës tha se rreth 1300 ushtarë ukrainas janë vrarë në 17 ditët e para të pushtimit rus, shkruan BBC
Ndërkohë sipas burimeve perëndimore, rreth 6,000 trupa ruse janë vrarë gjithashtu gjatë kësaj periudhe.
Sakaq, nga përditësimet më të fundit u zbulua se zëvendësministri i Jashtëm rus Sergei Ryabkov ka paralajmëruar se autokolonat perëndimore të armëve për në Ukrainë mund të jenë “objektiva legjitime” për Forcat e Armatosura Ruse.
Duke folur në televizionin shtetëror, Ryabkov tha: “Ne kemi paralajmëruar SHBA-në se pompimi i armëve në Ukrainë, të cilat ata e kanë orkestruar, nga një numër vendesh, nuk është vetëm një lëvizje e rrezikshme, por është një lëvizje që i kthen këto autokolona në objektiva legjitime. .
“Ne kemi paralajmëruar për pasojat që mund të rezultojnë nga ky transferim i pamatur në Ukrainë i llojeve të tilla të armëve si sistemet portative të mbrojtjes ajrore, sistemet e raketave antitank etj.
Ministri më pas pretendoi se SHBA nuk i morën seriozisht paralajmërimet e Rusisë.
