Të premten e javës që shkoi u mbyll spektakli “The voice of Albania 5” prodhim i Top-channel, spektakël që si ansjehere më parë u përfshi nga debatet brenda stafit duke çuar në largimin e autores sv programit, gazetares Zefina Hasani. Po kjo gjë se ka penguar një prej anëtarëve të jurisë, Sidrit Bejleri, që ta falenderojë atë live në natën finale.
“Kam qejf, pa prishur rregullat, të falënderoj autoren e këtij programi Zefina Hasanin, e cila ka mbartur bashkë me ne çdo emocion e çdo shqetësim që kemi pasur dhe ti e di shumë mirë. Është e vështirë të punosh me ata që po i quaj “fëmijë” sepse unë në një farë mënyre po plakem te karrigia e Voice dhe nuk e di nëse ju do hapni ndonjë variant azil pleqsh këtu te Voice.”
Prezantuesi Ledion Liço ben një koment aspak miqësor; “Mund ta hapim ndonjë se Zefina pa punë është, kështuqë edhe mund ta bëjë edhe të pleqve.” Mirëpo Sidriti sërish kemngul; “Artist edhe mund të bëhesh, por njeri i mirë rrallë ndodh”, tha ai.
Zefina Hasani në një koment për revistën Class u shpreh; “Sidriti foli! Çfarë Ledioni tha më pas, për mua s’ka asnjë vlerë, siç nuk ka vlerë gjithçka tjetër joprofesionale”, është shprehur ajo.
