Zëdhënësja e KQZ-së Drilona Hoxha në një deklaratë për mediat është shprehur se nuk ka pasur asnjë problematike në shpërndarjen e materialeve të votimit.
Hoxha ka theksuar se vonesat që janë konstatuar deri më tani në disa qendra votimi janë për shkak të pajisjes së identifikimit.
Sipas saj përdorimi i pajisjes së identifikimit deri më tani ka dështuar në rreth 100 qendra votimi.
“Probleme me identifikimin elektronik ka pasur në disa zona të thella ku ka qene e pamundur mbërritja e operatorëve dhe procesi i votimit vijon në mënyrën që është bërë gjithmonë. Ka pasur disa problematika në disa qendra votimi, në rreth 230 qendra votimi ka pas probleme për shkak të presionit ose për shkak të trajnimit për shkak të identifikimit elektronik por KQZ ka marrë të gjithë masat e nevojshme”, ka thënë Hoxhaj.
