Eksperti i kriminalistikës, Ervin Karamuço u shpreh se brenda policisë Nano ka patur armiq të padukshëm, që paguhen nga krimi. Sipas tij, këto kanë ndikuar për largimin e Gledis Nanos nga posti i tij si kreu i Policisë së Shtetit.
Dyshohet se një faktor në shkarkimin nga posti i Drejtuesit të Policisë së Shtetit i Gledis Nanos, mund të jetë, lëvizja e tij për të nxjerrë në pah efektivët e policisë që janë të inkriminuar. Gazetarja Xhensila Kodra theksoi se një nga prioritetet e Nanos ishte pastrimi i policisë së shtetit dhe largimi i efektivëve që kishin kontakte me grupe kriminale.
“Në Morinë u kapën më shumë se 30 efektivë për korrupsion. Kjo ishte një nga suksese e policisë. Kërkohej të nxirrej në pah korrupsioni dhe inkriminimi i policisë. Nano është nga drejtuesit e vetëm që ka nxjerrë në pah korrupsionin apo lidhje e oficerëve me grupet kriminale. I tillë ishte edhe arrestimi i Jeton Lamit. Këto fakte të çojnë tek nxjerrja në pah të policëve që janë të inkriminuar.” tha Kodra.
