Gazeta Dita zbulon aktin noterial të shit-blerjes së vilës luksoze të ambasadores Romana Vlahutin në zonën e njohur si “vilat e Lundrës”.
Në dokumentet e kontratës noteriale zbulohet se rezidenca e re e ambasadores Vllahutin është blerë me fonde të BE-së për plot 1 milion e 649 mijë euro.
Vila është e rreth 345 metra katrorë në një truall rreth 1600 metra katrorë, duke u renditur kështu në top listën e vilave më të shtrenjta të Rolling Hills.
Në aktin noterial të shit-blerjes rezulton se shitja është kryer nga shtetasi privat L.D, 35 vjeç, posedues pronash milionashe ndërsa në selinë e BE-së në Tiranë nuk rezulton të ketë një tender për blerje.
Faktet që ambasadorët e BE qëndrojnë në Tiranë me qira dhe jo në vilat e tyre dhe që agjensia për shkrime investiguese BIRN e ka lënë përgjysmë hetimin për arsye të panjohura nuk ka kaluar pa u vënë re.
Ndërsa Ministria e Drejtësisë nuk ka dhënë asnjë sqarim për këtë situatë.
