Zbulohen të tjera detaje nga të shtënat me armë zjarri në një lokal në Vlorë, ku mbeti një viktimë dhe u plagosën 3 të tjerë.
I dyshuar si autor i ngjarjes mësohet të jetë shtetasi Eduart Xhezo, i shpallur në kërkim nga policia së bashku me tre persona të tjerë.
Raportohet se Xhezo është një emër i njohur për policinë, pasi ka qenë i dënuar më parë për tentativë vrasje dhe armëmbajtje pa leje.
Si ndodhi ngjarja:
Pesë persona kanë pasur një konflikt mes tyre në lokalin e 50-vjeçarit Arben Beqiraj në zonën e Plazhit të Vjetër dhe janë konfliktuar për shkaqe banale me njëri-tjetrin.
Në ato moment gjithçka ka degraduar dhe Xhezo me shtetasin me iniciale Sh.L kanë plagosur pronarin e lokalit, të birin e tij Ergest Beqiraj, i cili ka marrë plumb në kokë por mrekullisht pa i rrezikuar jetën, nipin Brikelo Beqiraj dhe një person tjetër me emrin Nesim Hodaj.
Arben Beqiraj ndërroi jetë mëngjesin e sotëm në spital, ndërsa të plagosurit e tjerë janë jashtë rrezikut.
