Zbardhet udhëzimi për hapjen e kinemave në kohë pandemie. Në protokollin e Ministrisë së Shëndetësisë thuhet se në hyrje të ambienteve të saj do të matet temperatura. Asnjë individ me temperaturë mbi 37.5 gradë nuk do të lejohet të futet brenda.
Rezervzimi i biletave duhet të bëjë online ndërkohë që shfaqjet duhet të transmetohen në distancë kohore prej 15 minutash për të shmangur përplasjet e klientëve që hyjnë dhe dalin nga kinemaja. Ndërkohë që filmat në kinema nuk do i shihni më me kokoshka apo pije freskuese sepse nuk do të lejohet konsumi i tyre në ambientet e brendshme.
Protokolli i plotë i miratuar nga Ministria e Shëndetësisë.
-Administratori i kinemasë vendos grafikun përkatës për organizimin e orëve të aktiviteteve të tij
-Administratori është i familjarizuar me mënyrën e njoftimit apo të lajmërimit në rast të dyshuar Covid19, gjatë aktivitetit të kinemasë.
-Punonjësit e kinemasë nëse kanë shenja të infeksionit Covid-19 ose janë kontakt i ngushtë i një rasti pozitiv, nuk duhet të paraqiten në punë dhe të njoftojnë administratorin.
-Në rast se konstatohet nga stafi rast i dyshimtë me shenja të ngjashme me Covid19, klienti, personeli detyrohet të kthehet në shtëpi dhe komunikon me mjekun e familjes si dhe stafi njofton administratorin i cili më pas njofton strukturat përkatëse të njësisë vendore të Kujdesit Shëndetësor
-Nëse identifikohet një rast pozitiv në sallën e kinemasë operatori do të ndjekë të gjitha udhëzimet për pastrimin, larjen dhe dezinfektimin e të gjithë zpnës së sallës së kinemasë
-Asnjë klient me temperaturë mbi 37.5 nuk duhet të lejohet në kinema
-Operatori duhet të afishojë në hyrje dhe në vende të dukshme në brendësi të subjektit, listën e simptomave të Covid-19 dhe posterin informues mbi uljen e rriskut të Covid-19 sipas checklistës së miratuar.
-Të vendosen shenja dalluese në lidhje me distancimin fizik jo më pak se 1.5m rreth zonës së subjektit të kinemasë.
-Të afishohen oraret e shfaqjeve me periudha të shkurtra pushimi nga një shfaqje në tjetrën për të parandaluar grumbullimin në zonat e pritjes.
-Të kryhen shfaqjet me një interval pushimi jo më pak se 15 minuta nga njëra shfaqje tek tjetra për të lejuar pastrimin e duhur për të kryer ventilimin dhe për të parandaluar përplasjen e klientëve që hyjnë dhe dalin nga kinemaja
-Të kryhen vetëm rezervime online dhe të kufizohen grumbullimet në zonën e pritjes për të ruajtur distancimin fizik.
-Të kufizohet dhënia e biletave për anëtarë të një familje në ulëse në rreshta alternative.
-Të mbahet maskë nga klientët dhe nga personeli gjatë gjithë kohës që janë në mjediset e brendshme të kinemasë
-Të vendoset staf mbështetës për të monitoruar zonat e pritjes ku klientët mund të grumbullohen në mënyrë që të zbatohet distancimi fizik
-Të shënohen qartë shenja dalluese karriget/ndenjëset që nuk përdoren për efekt të ruajtjes së distancës jo më pak se 1.5 metra.
-Të merren masat e duhura për dezinfektimin e duarve duke përdorur pastrues me bazë alkooli që përmbajnë të paktën 60% alkool.
-Të favorizohet qarkullimi i ajrit të jashtëm sa më shumë që të jetë e mundur duke hapur dritare dhe dyer
-Të kryhet higjienizimi i karrigeve, mbështetëseve e krahëve të karrigeve në raport me numrin dhe oraret e shfaqjeve
-Të sigurohet higjienë maksimale në tualet dhe pajisja me të gjithë elementët bazë higjienikë dhe menaxhohen në kohë mbetjet
-Të mos kryhet konsumim i ushqimeve në ambientet e brendshme dhe sallën e kinemasë.
Ministria e shëndetësisë vendosi dje të heqë kinematë nga lista e aktiviteteve të ndaluara dhe lejon shfaqjen e filmave me praninë e qytetarëve, të cilët në çdo rast duhet të respektojnë distancën, mbajtjen e maskës dhe rregullat e tjera të higjienës. Ndërsa do vijojnë të qëndrojnë të mbyllura teatrot.
Kinematë dhe teatrot në vendin tonë u mbyllën që në mes të muajit mars kur pandemia sapo kishte shpërthyer.
