Ambasadorja amerikane Yuri Kim ka reaguar pas takimit që pati me kreun e Grupit Parlamentar të Partisë Demokratike në Kryesinë e Kuvendit, ku në reagimin e saj nuk kanë munguar as thumbat ndaj ish-kryeministrit Sali Berisha.
Në postimin e kryediplomates amerikane në Twitter, bie në sy fakti se ajo i referohet Alibeajt si kryetar i komanduar i PD-së. Pra nuk e ka takuar Alibeajn në cilësinë e kreut të Grupit Parlamentar por vijon ta njohë si kryetar të komanduar të PD-së pas dorëheqjes së Lulzim Bashës, duke treguar në mënyrë indirekte se ajo refuzon rikthimin e Berishës në PD dhe Komisionin e Rithemelimit.
“Diskutim shumë i mirë sot me ushtruesin e detyrës së kryetarit dhe drejtuesit të grupit parlamentar Enkelejd Alibeaj, për një gamë të gjerë çështjesh. SHBA ka pasur një marrëdhënie të fortë, të veçantë me PD që në lindjen e saj. Ne e vlerësojmë këtë marrëdhënie dhe rolin e domosdoshëm të PD-së për Shqipërinë, shpresojmë që të dy (Shqipëria dhe PD) vetëm do të forcohen. Le të vazhdojmë së bashku përpara, jo mbrapa!,” shkruan Yuri Kim.
1/2 Very good discussion today w/ @pdshqiperi Acting Chair & Floor Leader @enkelejdalibeaj on wide range of issues. ?? has had a strong, special relationship with PD from its birth. We value this relationship & PD’s indispensable role for ?? – we hope both will only get stronger. pic.twitter.com/r9ie2mA55Y
— Ambassador Yuri Kim (@USAmbAlbania) April 5, 2022
