Banorët e “5 Majit”, në Tiranë kanë dalë sërish në protestë pasi shtëpitë e tyre janë planifikuar për t’u shembur. Njoftimi u ka shkuar vetëm disa ditë më parë, ku u kërkohet të lirojnë shtëpitë e tyre.
Deklaratat e banorëve:
Edi Rama dhe Erion Veliaj të mendojnë për popullin e vetë. Si mund të dalim ne dhe të shkojmë në shtëpi me qera. Unë nuk dal jashtë derës.
I bëj thirrje këshilltares së kryeministrit, Yuri Kim dhe Sorecës se ata janë këshilltarë të tij. Kjo protestë ka shkuar deri në BE. Ne do rrimë aty në shtëpi edhe nëse futet fadrome, më mirë të vdesim aty. Pse nuk vjen Erion Veliaj? Pse e bën në mënyrë tinëzare.
U bëj thirrje deputetëve që të enjten të bllokojnë foltoren, mos të lënë të vazhdojnë se të gjithë banorët do I kenë tek parlamenti. Të bllokohet parlamenti ose ndryshe gjak do bëhet këtu.
