Figurativisht një nga thëniet më shpresëdhënëse mbetet “Pas shiut lind dielli”. Por një ylber real mes këtyre dy gjendjeve natyrore që ne i paralelizojmë me ato shpirtërore është gjithnjë mrekulli, sidomos kur lind pas një tragjedie.
Kjo ka ndodhur në Londër. Nëse pas sulmit të tmerrshëm terrorist që ndodhi të shtunën në kryeqytetin anglez duke u marrë jetën 7 personave, rrugët të kujtonin veç dhimbje, qielli dha pak shpresë.
Një ylber magjik është shfaqur sot mbi “London Brige” duke befasuar dhe emocionuar fort të gjithë ata që e panë live.
Megjithatë magjia u përcoll në gjithë botën ku mijëra njerëz janë afeksionuar pas fotografisë së shkrepur nga James Burns.
E njohur për shirat, tashmë Londra do të identifikohet edhe me ylberin e shpresës.
