Ministri i Brendshëm Fatmir Xhafaj ka zhvilluar një takim me dyer të mbyllura me drejtuesit e Policisë Kriminale. Ministri Xhafaj vlerësoi me nota pozitive luftën antikanabis këtë vit por ka dhënë disa paralajmërime të forta.
Ministri u ndal tek disa nga ngjarjet e fundit, ku paralajmëroi masa të ashpra për disa nga oficerët e hetimeve në qarqe.
“Reformë dhe riorganizim i strukturës së hetimit. Në Polici do ketë vetëm punonjës bazuar në 2 kritere, integritet dhe aftësi profesionale. Të rihapen dosjet e vjetra në fushën e trafiqeve dhe vrasjeve. Të rritet cilësia e informacionit policor. Goditje të aseteve kriminale të personave me precedentë apo të dënuar”, ka deklaruar Xhafaj.
