Diplomati amerikan shpreh interes lidhur me çështjen e shqiptarëve të Çamërisë dhe genocidin grek mbi popullsinë shqiptare në Çamëri.
Diplomati amerikan, William Walker, thotë se çështja e shqiptarëve të Çamërisë, është pak e njohur në botë si pasojë e izolimit të Shqipërisë rreth 50 vite në komunizëm. Ai vëren se Çështja Çame ka mbetur jashtë vëmëndjes së diplomacisë botërore edhe për shkak të politikës së brishtë të Shqipërisë rreth kësaj çështje. Në një takim me historianin dhe publicistin e njohur Arben Llalla, diplomati amerikan shfaqi interesim për këtë çështje. 
Historiani Llalla ka studiuar gjërësisht rreth çështjes së Çamërisë dhe ka publikiar disa botime. Një prej tyre “Kolaboracionistët grekë projektuesit dhe udhëheqësit e genocidit në Çamëri”, historiani ia ka dhuruar në takim diplomatit amerikan z.Walker. Diplomati amerikan shprehu intersim të veçantë rreth genocidin grek mbi popullsinë shqiptare në Çamëri më 1944-1945. Gjatë bisedës Wakler tha më tej se ishte njohur me Çështjen e Çamërisë gjatë një takimi me kryetarin e PDIU-së Shpëtim Idrizi, i cili e kishte njohur me çështjen Çame.
Diplomati amerikan William Walker është një mbrojtës i flaktë i të drejtave të njeriut. Ai ka shërbyer si ambasador i SHBA në disa shtete të Amerikës Latine dhe më 1998-99 në Kosovë. Ai mbahet mend si një ndër diplomatët që denoncoi në OKB masakrën e Reçakut.
