Presidenti i Serbisë, Aleksandar Vuçiç i pranishëm sot në samitin e “Ballkanit të Hapur”, në Ohër u shpreh se ideja për krijimin e nismës ka qenë vetëm e tij e Edi Ramës dhe Zoran Zaev. Ai mohoi përfshirjen e Kremlinit me “Ballkanin e Hapur” ndërsa tha se kjo nismë i përket vetëm Ballkanit.
“Isha prezent kur ne të tre miratuam vendimin për nismën Ballkani i Hapur. Nuk ka qenë askush tjetër, asnjë ministër i Jashtëm.
Jam krenar për politikën e Serbisë dhe marrëdhëniet e mira me Rusinë, por askush veç nesh nuk e kishte idenë për Ballkanin e hapur. Është ideja jona. E ardhmja është në bashkëpunimin mes nesh jo në gjetjen e problemeve të vogla.
Fermerët në Shqipëri do të jenë më të kënaqur sepse kanë ku eksportojnë produktet dhe do të ketë më shumë turistë serbë në bregdetin shqiptar.
Ideja është një ide vetëm e Zoran Zaev, e Edi Ramës dhe e imja. Askush tjetër nuk ka marrë pjesë në këtë ide. Ajo ka lindur këtu dhe Ballkani i Hapur i takon banorëve të Ballkanit”, është shprehur Vuçiç.
“Washington Examiner”: Lufta ligjore në Shqipëri, si e ndihmoi Biden narkoshtetin e preferuar të Sorosit
"Washington Examiner", përmes një artikulli të gjatë, analizon se si administrata e ish-presidentit amerikan, Joe Biden, ndihmoi narko-shtetin e Edi Ramës,...
