Policia arreston një person të dyshuar për kryerjen e këtij krimi
Vritet me armë zjarri një 31-vjeçar në Kavajë. Ngjarja ka ndodhur paraditen e sotme në fshatin Luz të Madh. Viktima është shtetasi me inicialet I. Z, 31 vjeç ndërkohë që i dyshuari si autor Xhevdet Saraçi, 56 vjeç, është arrestuar nga policia. Policia njoftoi se i dyshuari ka tentuar të largohet por është arrestuar menjëherë.
Ngjarja e sotme në Kavajë, vjen pas një seri krimesh të ndodhura këto ditë të para të janarit 2016. Një krim në familje ka ndodhur më 1 janar në Sarandë ku një shtetas vrau bashkëshorten dhe më pas u vetvra. Njjë vrasje e dyfishtë ndodhi një ditë më parë në Shkodër kur një person vrau me armë zjarri dy vëllezër. Ndërkohë që në Lezhë u vra dy ditë më parë, një ish-polic. Veç krimeve të ndodhura këtë nisje të vitit të ri ka një bilanc tragjik me aksidente. Në ditën e parë të vitit të ri u aksidentuan për vdekje dy të rinj, në Fier e Pogradec.
