Gjykata e Sarandës ka dënuar me 45 ditë burg 31-vjeçarin Ermal Fataj, i cili vrau në Ksamil me mjetin e tij lundrues, 15-vjeçaren ruse Kseniya Ryok.
Fataj do qëndrojë në qeli deri në daljen e aktit të ekspertimit të fijeve të flokut të cilat u gjetën në helikën e skafit dhe që dyshohet se janë të turistes.
Trupa gjykuese ka pranuar kërkesën e Prokurorisë, pas paraqitjes së provave të cilat ngarkonin me faj të arrestuari.
Fataj nuk ka pranuar akuzat ndaj tij, ndërsa ka kërkuar gjykim të rregullt ndaj tij.
