Babis Anagnostopulos, ka reaguar nga burgu për vrasjen e gruas, por edhe për kujdestarinë e vajzës. Ai ka thënë se ndihet i lehtësuar që për të bijën e vogël do të kujdeset nëna e Caroline.
Babis ka deklaruar gjithashtu nga burgu, se është i gatshëm të mbulojë varrimin e të shoqes, nëse familja e saj nuk mundet ta paguajë atë.
“Ndihem i lehtësuar, mësova që nëna e Caroline do të kujdeset për vajzën, ajo e do shumë atë”.
Gjithashtu, ai ka folur dhe për pronarin e tavernës që u gjet i vdekur, e për këtë krim, u dyshua se ka gisht dhe piloti.” Nuk kam asgjë me të, ne nuk kemi njohur njëri-tjetrin, s’kam qenë kurrë në atë restorant”,- ka thënë piloti.
32-vjeçari ka folur edhe për ditarin e Caroline, sipas tij, shënime të tilla nuk kanë ekzistuar dhe e gjitha është një mashtrim.
“Është e pabesueshme, Caroline s’ka pasur asnjë ditar. E gjitha është një gënjeshtër e madhe”,- përfundoi Babis.
