Ministri i Brendshëm, Bledi Çuçi heq përgjegjësinë vetja lidhur me dy vrasjet e sotme në Tiranë që sollën tre viktima dhe disa të plagosur.
Në një postim në rrjetet sociale pas vënies në pranga të autorit të ngjarjeve Dan Hutra, ai përgëzon policinë për arrestimin.
Më tej hedh akuza ndaj sistemit të drejtësisë.
“Përgëzime Policisë së Shtetit për arrestimin e një krimineli të regjur, që sot mori jetë të pafajshme në Kamëz. Një ngjarje e rëndë, që mund të ishte shmangur nëse autori do të ishte në burg nga sistemi i drejtësisë në të shkuarën për skendën e tij kriminale. Edhe njëherë Policia e Shtetit dëshmoi profesionalizëm dhe bëri detyrën duke çuar prapa hekurave autorin, që nuk duhet më kurrsesi t’i shpëtojë ndëshkimit më të ashpër të drejtësisë. Ngushëllime familjeve të viktimave”, shkruan ministri.
Më herët, opozita kërkoi dorëheqjen e tij pas ngjarjeve të rënda, por mesa duket, ai nuk e ka ndërmend një gjë të tillë.
