Shefi i Komisariatit të Kamzës ka dhënë detaje të reja lidhur me ngjarjen e ndodhur në Laknas ku Maliq Marku 70-vjeç qëlloi për vdekje me armë zjarri fqinjin e tij Shefqet Hasa 65 vjeç dhe plagosi një tjetër shtetas.
Shefi i komisariatit tha se konflikti ka qenë i çastit, ndërsa autori ka qëlluar me armë zjarri, të cilën e kishte pa leje.
“Autori është arrestuar në banesë, arma e zjarrit i është sekuestruar. Konflikti ishte për një kanal uji, mes familjeve nuk ka pasur konflikte të mëparshme”, u shpreh kreu i Komisariatit të Kamzës, që mbulon zonën e Laknasit atje ku edhe ndodhi krimi.
Ai tha se i plagosuri ndodhet në spital jashtë rrezikut për jetën.
Ndërkohë mediat më parë raportuan se konflikti për kanalin kishte nisur 3 vite më parë. Sipas raportimeve, fillimisht mes autorit dhe fqinjëve të tij ka pasur një debat verbal, më pas 70-vjeçari ka shkuar në banesën e tij, ka marrë armën automatike dhe ka qëlluar.
“Kemi marrë njoftimin për ngjarjen kriminale dhe menjëherë kemi arrestuar autorin e ngjarjes, Maliq Marku, 70-vjeç. Autori i vrasjes u arrestua në banesën e tij.
Rezulton se një person është vrarë dhe tjetri ndodhet në spitalin e Traumës, jashtë rrezikut për jetën. Konflikti raportohet se ka qenë për motive të dobëta.
Arma tip kallashnikov ishte pa leje dhe u kap në banesë. Bëhet fjalë për një kanalizim të ujërave të zeza që ndodhet pranë banesave të personave të përfshirë në konflikt”, u shpreh shefi i Komisariatit të Kamzës.
Shefi i Komisariatit të Kamzës ka dhënë detaje të reja lidhur me ngjarjen e ndodhur në Laknas ku Maliq Marku 70-vjeç qëlloi për vdekje me armë zjarri fqinjin e tij Shefqet Hasa 65 vjeç dhe plagosi një tjetër shtetas.
Shefi i komisariatit tha se konflikti ka qenë i çastit, ndërsa autori ka qëlluar me armë zjarri, të cilën e kishte pa leje.
“Autori është arrestuar në banesë, arma e zjarrit i është sekuestruar. Konflikti ishte për një kanal uji, mes familjeve nuk ka pasur konflikte të mëparshme”, u shpreh kreu i Komisariatit të Kamzës, që mbulon zonën e Laknasit atje ku edhe ndodhi krimi.
Ai tha se i plagosuri ndodhet në spital jashtë rrezikut për jetën.
Ndërkohë mediat më parë raportuan se konflikti për kanalin kishte nisur 3 vite më parë. Sipas raportimeve, fillimisht mes autorit dhe fqinjëve të tij ka pasur një debat verbal, më pas 70-vjeçari ka shkuar në banesën e tij, ka marrë armën automatike dhe ka qëlluar.
“Kemi marrë njoftimin për ngjarjen kriminale dhe menjëherë kemi arrestuar autorin e ngjarjes, Maliq Marku, 70-vjeç. Autori i vrasjes u arrestua në banesën e tij.
Rezulton se një person është vrarë dhe tjetri ndodhet në spitalin e Traumës, jashtë rrezikut për jetën. Konflikti raportohet se ka qenë për motive të dobëta.
Arma tip kallashnikov ishte pa leje dhe u kap në banesë. Bëhet fjalë për një kanalizim të ujërave të zeza që ndodhet pranë banesave të personave të përfshirë në konflikt”, u shpreh shefi i Komisariatit të Kamzës.
