Prokuroria ka përfunduar hetimet për Meviol Billon, i përfshirë në ngjarjen në ish-Bllok disa kohë më parë, ndërsa është ngritur akuza e plagosjes së rëndë në kapërcim të kufinjë të mbrojtes së nevojshme ndaj Elion Hatos.
Organi i akuzës vendosi pushim akuze për vrasjen e Fabian Gaxhes sepse argumentohet se ka qenë në kushtet mbrojtjes ekstreme. Ndërkohë Redi Popesku, Geldi Hoti Licaj, Ervin Mata, Ajax Boshnjaku dhe Fabio Allushi kanë tashmë akuzë për moskallëzim krimi.
Nga hetimet ka rezultuar se Prokuroria ka arritur në këtë konkluzion, duke pretenduar se Billo ka vepruar në kushtet e vetëmbrojtjes ekstreme. Kur ngjarja ndodh në kushtet e vetë-mbrojtjes ekstreme, Billo nuk mund të mbajë përgjegjësi.
Prokuroria shprehet se Gaxha ishte ai i pari që ka shtënë i pari dhe Billo ka qëlluar, me qëllim që të mbrohet. Vrasja e Fabian Gaxhës ndodhi në një lokal në ish-bllok. Elvis Martinaj pritet të dalë në gjyq. I vetmi që është nën arrati është vetëm Meviol Billo, që ka lehtësuar ndjeshëm akuzën ndaj tij. Bëhet fjalë për një proces, ku Gjykata e Tiranës nuk e ka dhënë fjalën e fundit.
