Zbardhen detaje të reja nga vrasja në Fier i Petraq GJikës mëngjesin e sotëm në Fier. Burime bëjnë me dije se 67-vjeçari është gjendur i pajetë nga banorët në serën ku punonte si roje. Ai u gjet mes hyrjes së serave dhe një godine tjetër, të cilën e ruante.
Godina të cilën e ruante Gjika është e pajisur me kamera sigurie. Këto të fundit mund të jenë ndihmë për grupin e hetimor në mënyrë që të identifikojnë autorin/ët.
Petraq Gjika rezulton se ishte vëllai i kryeplakut të fshatit. Nuk dihen ende motivet e kësaj ngjarjeje. Pritet të merren në pyetje familjarët e viktimës për të zbuluar nëse viktima ka patur konflikte ose mosmarrëveshje me ndonjë person tjetër, që mund të jetë bërë shkak për këtë ngjarje.
Po ashtu policia po heton mbi të shkuarën e 67- vjeçarit Petraq Gjika.
Në vendngjarje ka shkuar grupi hetimor dhe po punohet për zbardhjen e kësaj ngjarje.
