Arbër Paplekaj, ish-oficeri forcave speciale i përfshirë në ngjarjen me viktima e të plagosur në fushatën elektorale të 25 prillit 2021 në Elbasan, do të gjykohet përfundimisht nga togat e zeza në Elbasan.
Kërkesës së tij për të ndryshuar gjykatën për shkak të konfliktit të interesit që kjo çështje ka në Elbasan, Gjykata e Lartë i është përgjigjur negativisht.
Trupa gjykuese e përbërë nga Ilir Panda, Sokol Binaj, Sandër Simoni, kanë vendosur të rrëzojnë kërkesën e Paplekajt për transferimin e gjykimit.
Ai është i pandehur për vrasjen e Pjerin Xhuvanit njohur si “Pipi” pas një përplasjeje mes simpatizantëve të PS e PD.
Paplekaj asokohe shërbente si truprojë e deputetit aktual Gazmend Bardhi, ndërsa është shprehur se gjithçka e ka bërë në kushtet e vetëmbrojtjes.
Lexo edhe: Vrasja në Elbasan/ Paplekaj kërkesë në Gjykatën e Lartë (Detajet)
