Gjykata e Fierit ka lënë në burg Albert Zajën, të arrestuarin për vrasjen e Shkëlzen Kastratit më 1 shkurt.
Raportohet se 37-vjeçari e ka pranuar arrestimin, por jo autorësinë e atentatit. Ai ka deklaruar se ditën që ndodhi vrasja ishte në Vlorë me makinën e një shoku. Po ashtu, Zaja ka kërkuar që të qëndrojë në burg, për arsye sigurie.
Zaja u arrestua të dielën në Nikël të Fushë Krujës ndërkohë në kërkim për vrasjen e Kastratit janë edhe Elmir Tufa, 29 vjeç, Elson Xhecuka 27 vjeç dhe Silvio Cara 39 vjeç.
