Deputeti i Partise Demokratike, Enkelejd Alibeaj ka reaguar për vrasjen e ish deputetit, Pashko Ujkës në Shkodër. Ai ka deklaruar mbrëmjen e sotme se është dramatike fakti që në vendin tonë krimi nuk ka asnjë lloj frike ndaj shtetit.
I ftuar në Open, Alibeaj u shpreh se në Shqipëri këmbza e armës tërhiqet shumë lehtë, duke shtuar se policia nuk bën asgjë për të ndalur ngjarjet kriminale, por thjesht është kthyer në shërbim funerali.
“Ngushëllime familjareve. Policia është kthyer në shërbim funeral . Shkon e mbledh viktimat dhe asnjë veprim për të ndaluar ngjarje të tilla, aq më tepër kur ka 2-3 tentativa të mëparshme për atentat ndaj personit në fjalë. Lehtësia me të cilën tërhiqet këmbza e armës në këtë vend. Asnjë lloj frike ndaj ligjit, institucioneve. Kjo është dramatike”, u shpreh Alibeaj.
