Gjykata e Kurbinit ka lënë në burg 3 autorët e dyshuar të vrasjes së dy kushërinjve Kelvin dhe Erjon Jushi në Laç.
Tre të akuzuarit Manuel Bushi, Markel Bushi dhe Vincent Bushi janë lënë në burg pa afat, deri në përfundimin e hetimeve dhe nxjerrjen e rolit që ka pasur në ngjarje secili prej tyre.
Mësohet se në seancën e sotme dy prej autorëve janë shfaqur të penduar, ndërsa i vetmi që nuk ka folur është Manuel Bushi.
Një prej autorëve të dyshuar, 25-vjeçari Markel Bushi është person me precedentë penalë dhe në kërkim nga policia që në vitin 2013 pasi akuzohet për grabitje me armë. Me precedentë penalë është edhe autori tjetër i dyshuar 28-vjeçari Vinçens Bushi.
