Vrasja e e kryekomisarit, Artan Cuku, është vendosur në listën e 50 ekzekutimeve më tronditëse.
Ish-drejtori i policisë së Vlorës dhe një nga drejtuesit më të vlerësuar të policisë në Shqipëri, që u ekzekutua më 8 prill 2017, është bërë pjesë e një libri të hartuar nga një organizatë të rëndësishme ndërkombëtare.
Gazetarja Fatjona Mejdini në “ABC e mëngjesit” ka folur për librin “Fytyrat e Vrasjes”, në të cilin është përfshirë edhe vrasja e kryekomisarit Artan Cuku, ndërsa shtoi se fushata do të vazhdojë për të rritur vëmendjen ndaj këtyre ngjarjeve.
Mejdini gjithashtu ka treguar detaje të fushatës, si nismë në nder të këtyre personave, që kanë humbur jetën.
“Janë vrarë si pasojë e krimit të organizuar. E gjithë kjo nismë merret për të rritur vëmendjen ndaj rasteve të tilla. Rastet që ne kemi zgjedhur janë bazuar të koha kur kane ndodhur. Kemi marrë rastet e bujshme të cilat tregojnë qartë se krimi ka qenë shkaktari i vrasjes së tyre. Vrasja e komisar Artan Cuku ka që një nga ngjarjet më tronditëse. Në momentit që është vrarë ka qenë jashtë forcave të policisë dhe pa mbrojtje. Ai në kohë të ndryshme ka arritur të arrestojë rreth 1 mijë kriminelë. Kjo ka qenë një ngjarje e fortë. Duhet të kuptojmë se urdhëruesi kryesor i kësaj ngjarjeje Bledar Jambelli, që është përcaktuar nga drejtësia shqiptare, që qëndron pas kësaj vrasje, sot qëndron i lirë në Greqi, për shkak se Shqipëria nuk ka arritur të bëjë një marrëveshje ekstradimi me Greqinë. Ndërkohë në burg qëndron vetëm ekzekutuesi, Mikel Shalari dhe urdhëruesi i kësaj vrasjeje. Kërkojmë të kthejmë vëmendjen tek kjo ngjarje, të theksojmë që Cuku ka qenë një hero dhe ka humbur jetën për shkak të krimit. Krimi nuk kursen askënd dhe kërkohet një vëmendje shumë më e madhe. Ata njerëz nuk duhet të hidhen në rrugë. Libri besoj ka pasur vlerë, dhe besoj që fushata është shumë e vlefshme. Është shumë me rëndësi që këto ngjarje dhe këta njerëz të mos harrohen: “Këta heronj nuk janë harruar”, ky ishte edhe mesazhi i rëndësishëm i fushatës”, tha Mejdini./abcnews.al
