Gjykata e Elbasanit ka dënuar me 18 vite burg, Sokol Sanxhaktarin, dhëndrin e ish-kryebashkiakut të Elbasanit, Qazim Sajdini që akuzohet se ka vrarë me sende të forta shokun e tij Florian Lamçe.
Mësohet se, për Sokol Sanxhaktarin i akuzuar për “Vrasje me dashje në bashkëpunim”, gjykata ka vendosur 18 vjet burgim dhe periudhën e sigurisë që të vuaj dënimin e plotë dhe të mos përfitoj lirim me kusht.
Për Adriano Hajdari i akuzuar për “Vrasje me dashje në bashkëpunim”, u kërkua 18 vjet burgim dhe periudha e sigurisë që të vuajë dënimin e plotë dhe të mos përfitoj lirim me kusht.
Për Amadeus Lamçja i akuzuar për “Moskallëzim krimi”, “Veprime që pengojnë zbulimin e së vërtetës”, “Deklarim i rremë përpara oficerit të Policisë Gjyqësore”, 5 vjet burgim dhe për Mehmet Muçan i akuzuar për “Moskallëzim krimi” dhe “Veprime që pengojnë zbulimin e së vërtetës”, 5 vjet burgim
Kujtojmë se, vrasja e Florian Lamçes ndodhi mëngjesin e datës 30 korrik, në lagjen “Luigj Gurakuqi” në Elbasan. Te dehur Adriano Hajdari dhe Sokol Sanxhaktari qëlluan me mjete të forta Florian Lamçen, duke i marrë jetën. Ky i fundit ndërroi jetë, ndërsa Hajdari dhe Sanxhaktari u arrestua. Të tre personat kishin të shkuar kriminale, ndërsa Sanxhaktari është dhëndri i ish-kryebashkiakut, Qazim Sejdini dhe ka shpëtuar disa herë nga drejtësia.
