Vëllai i Fatbardh Licit, Mustafa Lici, në një deklaratë për mediat ka denoncuar se shteti po bashkëpunon me bandat kriminale. Lici ka thënë se po manipulohen provat e çdo vrasjeje. Lici ka thënë se prej ditës kur në Shkodër iu vra i vëllai, ata janë të ngujuar nga shteti e jo nga bandat.
“Të nderuar qytetar. Unë jam Mustafa Lici. Sot ky qytet po vuan një diktaturë që s’është parë që në 46. Çdo vrasje është pa autor. Vrasjet në Shkodër janë kryer nga policia në bashkëpunim me bandat. Sa të jetë kjo polici s’do ketë asnjë zbardhje. Policia është në mbështetje të bandave. Bandat dhunojnë zgjedhjet, terrorizojnë familje.”-ka thënë Mustafa Lici.
