Ekzekutimi i shqiptarit Ergys Dashi në Ekuador ka ngritur në këmbë autoritetet vendase. Pasditen e sotme, presidenti i vendit Guillermo Lasso është takuar me drejtorin e policisë dhe kryebashkiaken e Guayaquil-it, Cynthia Viteri.
Viteri deklaroi se dy ditë më parë ka dorëzuar në qeveri bazën e të dhënave në mënyrë që kamerat për njohjen e fytyrës të funksionojnë siç duhet. Ndërkohë në muajt në vazhdim kamerat do të shtohen në 15 mijë nga 2 mijë që janë aktualisht.
Sipas Viterit një kërkesë që ka mbetur pezull është edhe autorizimi i përdorimit të armëve jovdekjeprurëse për agjentët që po trajnohen për të mbështetur punën e policisë.
