Avokati i Qendrim Januzit autorit të vrasjes së 30-vjeçarit Gazment Hyseni ka zbuluar bisedën me klientin e tij në spital. Sipas avokatit të vëllait të Butës gjendja e klientit të tij është e rëndë dhe është përgjigjur vetëm me po dhe jo.
“Kam bisduar shumë shkurt para fillimit të seancës. Doktori tha se nuk mund të përgjigjet. Është përgjigjur vetëm me ‘po’ dhe ‘jo’. I tregova që jam avokati juaj. Veç më ka thënë ‘mirë’ dhe s’ka qenë në gjendje të flasë”, tha Zenuni. Ai tha se “në bazë të Prokurorisë, nuk e kanë dëgjuar ende dëshmitarin”, i cili sipas pamjeve të publikuara, shihet se ka qenë me viktimën.
Në dosjen e Prokurorisë, përshkruhet se motivi i vrasjes dyshohet se ka të bëjë me djegien e një veture të vëllait të të dyshuarit, reperit Buta dhe se i dyshuari ka pretenduar se vetura i ishte djegur nga tashmë viktima. Por pas vrasjes Buta nuk është marrë në pyetje nga autoritetet përkatëse.
“Në bazë të informacioneve, nuk është intervistuar”, i tha Express-it avokati Kastriot Zenuni. Seanca dëgjimore është mbajtur në QKUK, aty ku Qëndrim Januzi u dërgua pas vrasjes. Kryeprokurori i Prokurorisë Themelore të Ferizajt, Shukri Jashari ka bërë të ditur se Gjykata Themelore e Ferizajt ia ka caktuar të dyshuarit 30 ditë paraburgim. Avokati tha se nuk e ka marrë ende vendimin e gjykatës.
Gjykata e Lartë e Zyrihut përjashton të dhënat e marra nga SkyECC
Gjykata e Lartë e Zyrihut përjashton të dhënat e marra nga SkyECC Ky vendim i Gjykatës së Lartë të Kantonit...
