Vrasja e 3-fishtë në Tiranë të cilët janë kryer nga e njëjta dorë, Dan Hutra, ka sjellë edhe reagimin e politikës shqiptare.
Partia Demorkatike bën përgjegjës ministrin e Brendshëm, Bledi Çuçi dhe kërkon dorëheqjen e tij.
“Partia Demokratike kërkon marrje dhe mbajtje përgjegjësish. Gratë dhe vajzat e Shqipërisë nuk mund të vriten rrugëve. Shteti duhet të kontrollojë territorin dhe të bëjë zap kriminalitetin, ose të hapë rrugën! Ministri i Rendit pa rend duhet të japë dorëheqjen”, ka deklaruar ish-deputeti, Klevis Balliu.
Një apel e bëri dhe për gjykatat.
“Gjykatat duhet të kuptojnë se vendimet e tyre shpëtojnë ose kushtojnë jetë, ose të dorëzojnë togat! Kaq shumë herë dëgjojmë që vrasësit kanë ikur në drejtim të paditur, por fatkeqësisht jemi në pikën kur duket se Shqipëria po ikën në drejtim të paditur”, ka deklaruar ish-deputeti, Klevis Balliu.
