Deputeti i Partisë Demokratike, Dashnor Sula ka shpërthyer në mallkime ndaj kryedemokratit Sali Berisha dhe kolegut të tij Enkelejd Alibeaj.
Në një lidhje për Report TV, Sula shprehet se më 14 maj nuk votohet për asnjërin prej tyre, por për demokratët. Pas 14 majit, ai tha se të dy mund të vrasin veten. Sipas Sulës, Berisha është njeri i vetëm që mund të arrijë bashkimin e PD-së.
“Unë e ndoqa me shumë vëmendje. Nuk votohet as për Sali Berishën, as për Enkeljed Alibeajn, votohet për demokratët në bazë. Pas 14 majit, vrafshin veten Berisha me Alibeajn. Tu japin shansin demokratëve më 14 maj sepse do t’i dënoja historia, nga i pari tek i fundit.
Të parin Sali Berishën. Sepse ai është lideri historik dhe këtë e them me shpirt e pastërti. E kam thënë që në shtator, nuk mund ta lërë Berisha PD-në në greminë. Po të dojë Berisha e realizon bashkimin, nuk po them bashkim real, por atë gjendjen e qetësisë. Mbrapa pastaj vrafshin veten të dy palët. Po e them prapë,”- tha Sula.
