Presidentja e Komisionit Evropian Ursula von der Leyen ndodhet në Kiev të shtunën për një takim me presidentin e Ukrainës Volodymyr Zelenskyy për të diskutuar mbi çështje të rindërtimit të vendit dhe përparimin drejt anëtarësimit në Bashkimin Evropian.
“Do të bëj vlerësimin e punës së përbashkët të nevojshme për rindërtimin dhe përparimin e bërë nga Ukraina në rrugën e saj evropiane“, shkruante ajo në një postim në Twitter.
Të shtunën Zelenskyy tha se vendi i tij “do të triumfojë me patjetër në luftën e nisur nga Rusia”. Ai i bëri komentet nga një vendndodhje në Kiev, që nuk u bë i ditur.
Në një fjalim drejtuar pjesmarrëve në takimin e sigurisë që mbahet në Singapor, Zelenskyy tha se Ukraina po has vështirësi në furnizimin me produkte ushqimore për shkak të konfliktit dhe se disa pjesë të botës po përballen me “një krizë akute e të rëndë ushqimore si dhe uri”, për shkak të bllokadës ruse.
Të premten, presidenti Joe Biden këmbënguli se zbulimi amerikan u përpoq ta paralajmëronte Ukrainën për rrezikun e afërt të një sulmi rus, por Zelenskyy sikurse ai tha, “nuk ia vuri veshin”.
