Kryetarja e Lidhjes Demokratike të Gruas së Shqipërisë, Albana Vokshi nga Forumi i Gruas së PPE ka deklaruar se kryeministri i Shqipërisë po shantazhon dhe kërcënon gazetarët për të mbuluar skandalet me trafikun e drogës dhe aferat korruptive, të ministrave të rëndësishëm të Qeverisë së Tiranës.
Vokshi theksoi se përgjimet e antimafias italiane, ku implikohet, sipas saj, ish-ministri i Brendshëm, Saimir Tahiri dhe fushata elektorale e PS-së, faktojnë blerjen e rezultatit zgjedhor në qershor 2017.
Në fjalën e saj Vokshi tha përgjimet e anti-mafias italiane, vërtetuan denoncimet disavjeçare të PD-së si dhe raportet e OSBE-ODIHR për blerje vote, kërcënime dhe trembje të votuesve nga anëtarë të organizatave kriminale.
“Për të kontrolluar publikimet e skandaleve qeveritare, Kryeministri po bën çdo përpjekje për të intimiduar lirinë e gazetarëve dhe lirinë e shprehjes”, shtoi Vokshi.
