Ambasadorja e Bashkimit Europian në Tiranë, Romana Vlahutin, i ka përcjellë një mesazh të qartë Shqipërisë ku kërkoi nga vendi ynë të zbatojë reformat e nisura si dhe të bëjë më të sigurt jetën e qytetarëve.
Vlahutin theksoi se Shqipëria ka bërë një punë shumë të rëndësishme për reformën në drejtësi.
Në fund ajo i bëri thirrje politikës shqiptare t’i kthehet punës, të punoni më fortë, pasi sipas saj kjo është një pranverë shumë e rëndësishme.
“Opozita të kryejë rolin e saj dhe të përfshihet në procesin demokratik. Marrëdhëniet me fqinjët dhe bashkëpunimi rajonal. Është shumë e rëndësishme për të mos harruar se afatet kohore janë indikative dhe shpejtësia do varet nga progresi i secilit nga gjashtë vendet. Raportet do të komunikohen në prill. Sa më shumë reforma të zbatoni aq më shpejt do merrni objektivin.
Shqipëria ka punuar shumë për reformën në drejtësi Ka bërë mjaft punë përpara për të përfituar në kohë për të ardhmen, kështu që ka mundësi reale për të hapur negociatat. Të punojnëë së bashku që jetën e qytetarëve shqiptarë ta bëjmë më të sigurtë, më të mirë dhe më të begatë. Këto janë të arritshme, por duhet më shumë përkushtim dhe angazhim. Kjo është një pranverë e rëndësishme, raportet do të komunikohen në prill“, tha Vlahutin.
