Familjarët e Merushe Hazizit e cila ndërroi jetë pasi u masakrua me thikë nga vjehrri i saj Xhevahir Hoxha në fshatin Vidhisht të Roskovecit, është përcjellë sot për në banesën e fundit.
Xhevahir Hoxha nuk e pranoi kurrë bashkëjetesën e të birit, Fatjonit me Merushe Hazizin, mama e divorcuar me tre fëmijë. Prej tre vjetësh ata kishin debate të vazhdueshme deri sa dje 61-vjeçari e masakroi me thikë 30-vjeçaren në tualetin e banesën e tyre në fshatin Vidhisht dhe më pas i dha fund jetën duke u vetëvarur në pemë.
Mes tyre dhe Xhevahirit kishte nisur një tjetër konflikt ai për pronësinë e shtëpinë. Këtë e pohon dhe bashkëshortja e autorit të krimit, e cila duke pastruar gjurmët e gjakut tha se nusja iu thoshte vazhdimisht se shtëpia ishte e tyre.
Para se të njiheshin Merushja dhe Fatjoni kanë qenë të martuar. 30-vjeçarja nga martesa e parë ka tre fëmijë, ndërsa Fatjoni një fëmijë kujdestarinë e të cilit e ka marrë ish bashkëshortja.
