Kryeministri i Kosovës Ramush Haradinaj këtë të mërkurë do të realizojë vizitën e parë jashtë shtetit.
Haradinaj kishte paralajmëruar para se të zgjidhej në këtë post, se vizita e tij e parë jashtë Kosovës, do të jetë në Shqipëri.
Bëhet me dije se në mesditë Haradinaj do të takohet me krerët e shtetit, Presidentin Meta, Kryeministrin, Edi Rama dhe kryetarin e Kuvendit të Shqipërisë, Gramoz Ruçin.
Gjithashtu ai pritet të takohet edhe me kryedemokratin Lulzim Basha dhe Sali Berishën. Sipas burimeve Haradinaj pritet të takohet edhe me princ Lekën.
