Me rastin e vizitës së presidentit Bujar Nishani ditën e nesërme në komunat Bujanoc dhe Preshevë në Serbinë janë vendosur mbishkrime në të cilat shkruan “Mirë se vini President”.
Nesër në mesditë Nishani arrin në Bujanoc, ku do të takohet me kryetarin e komunës, Shaip Kamberi, dhe me politikanë të tjerë shqiptarë të kësaj komune.
Pas Bujanocit, presidenti i Shqipërisë viziton edhe Preshevën.
Autoritetet komunale i kanë ftuar qytetarët që të dalin në pritje për presidentin Nishani dhe të tregojnë mikpritjen e tyre.
Kjo është vizita e parë e një presidenti të Shqipërisë në Serbi, prej vitit 1948, kur në Beograd për vizitë kishte qëndruar presidenti i atëhershëm, Enver Hoxha.
