Pas vizitës në Tiranë, delegacioni i BE ka zbardhur takimet e Drejtorit të Përgjithshëm për Fqinjësinë dhe Negociatat e Zgjerimit, Danielsson, me disa nga figurat politike.
Danielsson ka përgëzuar marrëveshjen e arritur dy ditë më parë mes Ramës se Bashës.
Drejtori i Përgjithshëm i KE-së është shprehur se marrëveshja është një tregues i pjekurisë demokratike, ku theksoi se e rëndësishme është vënia e saj në zbatim. Gjithashtu ai theksoi që duhet të nis puna për implementimin e ligjit të vetting-ut, si kusht për çeljen e negociatave me BE.
Në takim u diskutua edhe për Samitin e Triestes dhe në veçanti, për forcimin e mëtejshëm të integrimit ekonomik në rajon si dhe shprehu gatishmërinë e KE për të mbështetur planin e qeverisë në luftën kundër drogës.
